நடிகர் அல்லு அர்ஜுன் நடிப்பில் உருவாகியுள்ள புஷ்பா 2 திரைப்படத்தின் ட்ரெய்லர் வெளியாகியுள்ளது.
சுகுமார் இயக்கத்தில் அல்லு அர்ஜுன், ஃபஹத் ஃபாசில், ராஷ்மிகா மந்தனா உள்ளிட்ட பலர் நடித்திருந்த புஷ்பா திரைப்படம் இந்திய அளவில் வசூலில் சாதனை படைத்தது. இப்படத்துக்கு தேவிஸ்ரீ பிரசாத் இசையமைத்திருந்தார். இப்படத்தின் வெற்றியைத் தொடர்ந்து, இதன் இரண்டாம் பாகமாக ‘புஷ்பா 2’ படம் உருவாகியுள்ளது.
புஷ்பா 2 படத்தின் 2 பாடல்கள் மற்றும் டீசர் ஆகியவை ஏற்கனவே வெளியாகி ரசிகர்களிடையே வரவேற்பை பெற்றது.
புஷ்பா 2 படத்தின் மீது ரசிகர்கள் மத்தியில் உச்சகட்ட எதிர்பார்ப்பு இருந்து வருகிறது. குறிப்பாக வசூலில் ஆயிரம் கோடி ரூபாயைத் தொடும் என சினிமா வட்டாரத்தில் கணிக்கப்பட்டுள்ளது. படத்தின் ரிலீஸ் இப்போ, அப்போ என தள்ளிப் போய்க்கொண்டே இருந்தது.
அதன் பின், ஒரு வழியாக பிரம்மாண்டமாக உருவாகி வரும் அல்லு அர்ஜுனின் புஷ்பா 2 திரைப்படம் வரும் 5 ஆம் தேதி ரிலீஸ் ஆகவுள்ளது.
மேலும், ரஷ்மிகா மந்தனா, பகத் பாசில் உள்ளிட்டோர் நடித்துள்ள இப்படத்தில் நடிகை ஸ்ரீலீலா ஒரு பாடலுக்கு நடனமாடிவுள்ளார். ஒரு பாடலுக்கு மட்டும் அவருக்கு ரூ. 1 கோடி சம்பளம் பேசப்பட்டுள்ளதாகவும் தகவல் வெளியாகியுள்ளது.
