தங்கம் விலையின் ஏற்ற, இறக்கம் டிசம்பர் மாதமும் நீடித்து வருகிறது.இதன் ஒரு பகுதியாக கடந்த 18ம் தேதிதங்கம் விலை பவுனுக்கு ரூ.120 குறைந்து, ஒரு பவுன் ரூ.57,080 ஆகவும், 19ம் தேதி பவுனுக்கு ரூ.520 குறைந்து, ஒரு பவுன் ரூ.56,560 ஆகவும் விற்கப்பட்டது. நேற்று முன்தினம் தங்கம் விலை கிராமுக்கு ரூ.30 குறைந்து ஒரு கிராம் ரூ.7,040க்கும், பவுனுக்கு ரூ.240 குறைந்து, ஒரு பவுன் ரூ.56,320 ஆகவும் விற்கப்பட்டது. 3 நாட்களில் தங்கம் விலை பவுனுக்கு ரூ.880 வரை குறைந்தது நகை வாங்குவோருக்கு சற்று மகிழ்ச்சியை ஏற்படுத்தியிருந்தது.
இந்த நிலையில் நேற்று தங்கம் விலையில் திடீரென மாற்றம் காணப்பட்டது. அதாவது, தங்கம் விலை கிராமுக்கு ரூ.60 உயர்ந்து, ஒரு கிராம் ரூ.7,100க்கும், பவுனுக்கு ரூ.480 உயர்ந்து ஒரு பவுன் ரூ.56,800க்கும் விற்கப்பட்டது. அதேபோல், வெள்ளி விலையும் நேற்று கிராமுக்கு ரூ.1 உயர்ந்து ஒரு கிராம் ரூ.99க்கும், ஒரு கிலோ (கட்டி வெள்ளி) ரூ.1,000 உயர்ந்து ரூ.99,000க்கும் விற்பனையானது. இன்று ஞாயிற்றுக்கிழமை என்பதால் தங்கம் மார்க்கெட் விடுமுறையாகும். அதனால், சனிக்கிழமை விலையிலேயே இன்று தங்கம் விற்பனையாகும். நாளை திங்கட்கிழமை மார்க்கெட் தொடங்கிய பின்னரே தங்கம் விலையில் என்ன மாற்றம் ஏற்பட போகிறது என்பது தெரியவரும்.
