தங்கம் விலை நேற்று சவரனுக்கு ரூ.120 குறைந்து ஒரு சவரன் ரூ.57,080க்கு விற்பனை செய்யப்பட்டது. தங்கம் விலை கடந்த அக்டோபர் மாதத்தில் தினம், தினம் புதிய உச்சத்தை தொட்டது. தொடர்ந்து அக்டோபர் 31ம் தேதி அதிகபட்சமாக ஒரு சவரன் ரூ.59,640க்கு விற்பனையானது.

இது தங்கம் வரலாற்றில் உச்சபட்ச விலையாகும். அதன் பிறகு தொடர்ந்து தங்கம் விலை ஏறுவதும், இறங்குவதுமாக இருந்து வருகிறது. இதற்கிடையில் நேற்று முன்தினம் தங்கம் விலை கிராமுக்கு ரூ.25 உயர்ந்து ஒரு கிராம் ரூ.7,150க்கும், சவரனுக்கு ரூ.200 உயர்ந்து ஒரு சவரன் ரூ.57,200க்கும் விற்கப்பட்டது.

தொடர்ந்து நேற்று தங்கம் விலையில் மேலும் மாற்றம் காணப்பட்டது. அதாவது தங்கம் விலை கிராமுக்கு ரூ.15 குறைந்து ஒரு கிராம் ரூ.7,135க்கும், சவரனுக்கு ரூ.120 குறைந்து ஒரு சவரன் ரூ.57,080க்கும் விற்பனை செய்யப்பட்டது. வெள்ளி விலை மாற்றமின்றி ஒரு கிராம் ரூ.100க்கு விற்பனை செய்யப்பட்டது. ஒரு கிலோ வெள்ளி ரூ.1,00,000க்கு விற்பனையானது.