இலங்கை கிரிக்கெட் அணி நியூசிலாந்தில் சுற்றுப்பயணம் மேற்கொண்டுள்ளது. இதில் 3 போட்டி கொண்ட டி.20 தொடரில் முதல் 2 போட்டியில் நியூசிலாந்து வெற்றிபெற்ற நிலையில் 3வது மற்றும் கடைசி போட்டி சாக்ஸ்டன் ஓவல் நெல்சன் மைதானத்தில் இன்று நடந்தது. டாஸ் வென்ற நியூசிலாந்துபந்து வீச்சை தேர்வு செய்ய முதலில் பேட் செய்த இலங்கை அணியில் குசால் பெரேரா 46 பந்தில் 13 பவுண்டரி, 4 சிக்சருடன் 101, கேப்டன் சரித் அசலென்கா 46 ரன் விளாசினர். 20 ஓவரில் இலங்கை 5 விக்கெட் இழப்பிற்கு 218 ரன் குவித்தது.

பின்னர் களம் இறங்கிய நியூசிலாந்து அணியில் டிம் ராபின்சன் 37, ரச்சின் ரவீந்திரா 69, டேரில் மிட்செல் 35 ரன் எடுத்தனர். 20 ஓவரில் நியூசிலாந்து 7 விக்கெட் இழந்து 211 ரன்களே எடுத்தது. இதனால் இலங்கை 7 ரன் வித்தியாசத்தில் ஆறுதல் வெற்றி பெற்றது.