தங்கம் விலை நேற்று சவரனுக்கு ரூ.560 உயர்ந்தது. 2 நாட்களில் மட்டும் தங்கம் விலை சவரனுக்கு ரூ.1,760 வரை குறைந்தது. 27ம் தேதி தங்கம் விலை சவரனுக்கு ரூ.200 உயர்ந்து ஒரு சவரன் ரூ.56,840க்கும் விற்பனையானது. நேற்று முன்தினம் மீண்டும் தங்கம் விலை குறைந்தது. அதாவது கிராமுக்கு ரூ.15 குறைந்து ஒரு கிராம் ரூ.7,090க்கும், சவரனுக்கு ரூ.120 குறைந்து ஒரு சவரன் ரூ.56,720க்கும் விற்பனையானது. இந்த விலை குறைவு ஒரு நாள் கூட நீடிக்கவில்லை. நேற்று தங்கம் விலை மீண்டும் உயர்ந்தது.

நேற்று கிராமுக்கு ரூ.70 உயர்ந்து ஒரு கிராம் ரூ.7,160க்கும், சவரனுக்கு ரூ.560 அதிகரித்து ஒரு சவரன் ரூ.57,280க்கு விற்பனையானது. வெள்ளி விலை கடந்த ஒரு வாரமாக மாற்றமில்லாமல் விற்பனையானது. ஆனால், நேற்று வெள்ளி விலை கிராமுக்கு ரூ.2 அதிகரித்து, ஒரு கிராம் வெள்ளி ரூ.100க்கும், ஒரு கிலோ கட்டி வெள்ளி ரூ.1,00,000க்கும் விற்பனையானது. தங்கம் விலை தொடர்ந்து ஏற்றம், இறக்கத்துடன் காணப்பட்டு வருவது நகை வாங்குவோரை கடும் குழப்பத்தில் ஆழ்த்தியுள்ளது.